• الإثنين 25 سبتمبر 2017
  • بتوقيت مصر01:25 م
بحث متقدم
مشاهير:

هذه قصة الطفلة "جنى" وبيان 57357 "المهين" واللاإنساني

آخر الأخبار

الطفلة جنى و والدها
الطفلة جنى و والدها

أحمد عادل شعبان

أخبار متعلقة

الطفلة جنى

سرطان المخ

مسشتفى 57357

شن عددًا من المشاهير على مواقع التواصل الاجتماعي هجومًا حادًا ضد مستشفى سرطان الأطفال "57357" بعد إصدارها بيان وصفوه بـ"المهين" و "اللإنساني" ضد والد الطفلة "جنى" المصابة بسرطان قاع المخ على خلفية إعلانه رفض المستشفى قبول ابنته .

وقال الإعلامي "تامر أبو عرب": أنا مكنتش حابب أتكلم في موضوع الطفلة جنى لأن تفاصيله مش كاملة عندي لكن الحقيقة البيان اللي أصدرته المستشفى للرد على الموضوع أحقر بكتير من الموقف نفسه
البيان كله تلقيح وإهانة للأب وكأنه مزقوق عليهم مثلا أو بينفذ مؤامرة لتشويه المستشفى أو البلد، مع إن هم نفسهم قالوا إن البنت ياعيني فقدت السمع والبصر بسبب عملية في مستشفى جامعي، فواضح إن الراجل بيتعلق بقشاية مش أكتر
بيان المستشفى بقى بيقول إن "بابا جنى قرر انه يشيل بنته في عز الحر ويتصور بيها يجيي ويتصور بيها قدام المستشفى ويتم استخدام الصورة دي الاستخدام الامثل؟!! لمصلحة مين؟!!!" اه صحيح لمصلحة مين؟ بنت حالتها الصحية متدهورة وأبوها مش عارف يعمل إيه ليه يشيلها ويقف بيها قدام المستشفى في عز الحر؟ مبيقعدش بيها تموت في بيتهم ليه؟
بيكمل البيان العار بقى وبيقول: "افيقوا أيها المصريون!! (يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)"
فجأة بقى الراجل فاسق وأفيقوا أيها المصريين؟ هي لازم أي حاجة تتحول بسرعة لمؤامرة ونحط عليها شوية التحابيش؟
صحيح ممكن يكون الراجل عنده بديل واتحول على المعهد القومي للأورام، لكن هو ليه تجربة سيئة جدا مع مستشفى حكومي ضيع لبنته سمعها ونور عينيها، وأكيد من الإعلانات اللي بتركز على إن 57 هي أهم وأشطر مستشفى في علاج سرطان الأطفال حس إن بنته ممكن تكون أحسن لو دخلت المستشفى دي فشالها على كتفه في عز الحر ووقف قدام المستشفى، وبدل ما يلاقي اللي يحتويه ويفهمه ويطمنه لقى تجاهل كامل وبعد كدة لقى بيان بيتهمه في ذمته وبيهينه، من مستشفى قايمة أصلا على التبرعات وبتعالج الناس من جيوبهم هم، لا بمنحة من حد ولا حتى بتصرف عليها الحكومة
متهيألى المستشفى دلوقتي بقت مطالبة باعتذارين، اعتذار عن تعاملها السيء مع حالة جنى، واعتذار عن البيان ده".

وقال الدكتور شادي الغزالي حرب
أتمنى #مستشفى57357 تراجع سياستها العقيمة في انتقاء المرضى .. انتقاء المرضى لا علاقة له بالطب ولا برسالته .. انتقاء المرضى بيحولها لتجارة بنسب نجاح زائفة أكتر ما هو رسالة لتخفيف معاناة المرض".

بينما شن الكاتب الصحفي عمرو بدر - عضو مجلس نقابة الصحفيين - هجومًا كبيرًا ضد المستشفى ردًا على بيانه ، قائلًا: " بيان يستحق أن إنتم تتحاكموا عليه .. وإن شاء الله هيحصل .. وعموما متستعجلوش احنا هنخليكم مشهورين أكتر وهنفرج عليكم مصر كلها .. اصبروا".

وقالت الناشطة إسراء عبد الفتاح ردًا على البيان : "
البيان اللي نزلته #مستشفي_57357 في منتهي (ال....) والدونيه المناسبة للي احنا بنعيشه الفترة دي ..لو عندهم أي أسباب تجاه عدم قبول حالة جني كان ممكن يوضحها دون الإساءة لأهل المريضة تحت أي بند أو سبب ،،، الصياغة أقل ما توصف أنها انحطاط في الإنسانية".

وكانت الصفحة الرسمية للمستشفى نشرت بيانًا رسميًا للرد على الحالة ، جاء كالتالي:

جنى عندها سرطان في قاع المخ...
عملت عملية في مستشفى جامعي وفقدت النظر والسمع وتم تحويلها للمعهد القومي للأورام لتلقي العلاج الكيميائي والاشعاعي

دخلت المعهد القومي للأورام 16 مايو 2017 تحت رقم 1384
و لسه بتتعالج هناك وماشية في بروتوكول العلاج

بابا جنى جيه بيها على 57357 في العيادات الخارجية وعلشان عارف ان من سياسة قبول المرضى في المستشفى انها تكون مخدتش علاج قبل كدة زي ما وضحنا قبل كدة مليون مرة في كل بوستاتنا

قرر انه يجيي وميقولش على أي حاجة عن تفاصيل علاجها في المعهد ، ولا يقول لنا انها أصلا مريضة في المعهد

عرفتوا ليه مبنخدش أطفال خدت علاج قبل كدة؟ لأن من الأسباب أن الطفل بيجي من غير تاريخ علاجه بالتفاصيل والناس مش بتقول الحقيقة للأسف؟

قرر انه يشيل بنته في عز الحر ويتصور بيها يجيي ويتصور بيها قدام المستشفى ويتم استخدام الصورة دي الاستخدام الامثل؟!! لمصلحة مين؟!!!
وجنى رجعت المعهد تاني.

جنى بتتعالج في المعهد القومي للأورام زي ما هو موضح في الصورة وتحت اشراف أطباء 57357 اللي هما في الأصل أطباء المعهد القومي للأورام ... وهتبدي علاج اشعاعي يوم التلات اللي جاي

السؤال هنا ليه بابا جنى قرر فجأة انه يشيل بنته ويجي يتصور الفيديو دا قدام المستشفى؟

افيقوا أيها المصريون!!

(يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)

شرف ل 57 انها خلت كل أطفال سرطان مصر جوه قلب الشعب المصرى كله ... و انهم وثقوا فيها و نفسهم كل الأولاد يتعالجوا فيها علشان ياخدوا أحسن فرصة علاج .

ربنا يشفى و يعافى كل الأطفال بالامراض التانيه كمان و يبقوا عندهم مستشفى زى 57

وللبيت رب يحميه

تقييم الموضوع:

استطلاع رأي

هل تتوقع عودة أحمد شفيق إلى مصر لخوض انتخابات الرئاسة؟

  • عصر

    03:18 م
  • فجر

    04:27

  • شروق

    05:50

  • ظهر

    11:51

  • عصر

    15:18

  • مغرب

    17:53

  • عشاء

    19:23

من الى