• الجمعة 24 نوفمبر 2017
  • بتوقيت مصر10:25 م
بحث متقدم
أبو عرب:

ما فعله كوبر واللاعبون جريمة أهدت التأهل لأوغندا

الرياضة

مصر وأوغندا
مصر وأوغندا

أحمد عادل شعبان

أخبار متعلقة

مصر

كأس العالم

أوغندا

شن الكاتب الصحفي تامر أبو عرب هجومًا حادًا على هيكتور كوبر - مدرب منتخب مصر - واللاعبين على خلفية فوزهم على فريق أوغندا بهدف واحد فقط دون رد .

وقال "أبو عرب" في تدوينة عبر حسابه بـ"فيس بوك" : "اللي عمله كوبر واللاعيبة النهاردة جريمة ممكن يخلونا كلنا نندم عليها ونفقد فرصة الصعود لكأس العالم في أسهل تصفيات ندخلها من سنين .. قدامك فريق تافه ضعيف قليل الحيلة وبتلاعبه على أرضك وقدام 70 ألف مشجع صوتهم يزلزل أي منافس وجبت جول في الدقيقة 6 من الشوط الأول، بالتالي الصح انك تهاجم وتزود حصيلة الأهداف وتعمل اسكور يدمر خصمك معنويا في المباراة الجاية ويزود فرصك في الصعود في حالة تساوي النقاط ، لكن لأنك كسبت 1/0 بس فده معناه إن فرصة أوغندا في الصعود أكبر من فرصة مصر.. معقول؟ آه والله. تعالى نحسبها".

وأضاف: "مصر دلوقتي عندها 9 نقط وأوغندا 7 نقط، والأهداف مصر عندها +3 وأوغندا +1 .. الماتش الجاي لمصر قدام الكونغو في القاهرة وده سهل نكسبه (نفترض مثلا كسبنا 2/0) بقى عندنا 12 نقطة وأهداف +5 .. الماتش الجاي لأوغندا قدام غانا على أرضها، وبالمعنويات العالية والأمل اللي انت اديتهولهم ده مش صعب خالص يكسبوا غانا خصوصا إنهم اتعادلوا معاها هناك في غانا، يبقى عندها 10 نقط وأهداف +2 بفرض انها هتكسب غانا 1/0 بس .. الجولة الأخير بقى انت هتلعب مع غانا في غانا، وأوغندا هتلاعب الكونغو .. الأكيد إن أوغندا هتكسب الكونغو تبقى وصلت 13 نقطة، ويبقى مفيش قدام مصر غير إنها تكسب غانا هناك ودي مهمة شبه مستحيلة في ظل الأداء البائس اللي شايفينه بس، أو البديل التاني إننا نتعادل مع غانا هناك ويبقى اتساويت مع أوغندا في النقط ونبص لفرق الأهداف".

وأضاف: "فلو أوغندا كسبت الكونغو بفرق أكتر من 3 أهداف تصعد هي كاس العالم (وده مش صعب خالص لأن الكونغو خلاص الماتش بالنسبة لها تحصيل حاصل وهي اتغلبت النهاردة من غانا على أرضها 5/1 أصلا بالتالي مش صعب أوغندا تكسبها اسكور) مع العلم ان حتى التعادل مع غانا علي أرضها مش هيكون سهل لأنهم هيبقوا بيدافعوا عن كبريائهم وهيعلبوا الماتش قدام مصر كأنه ماتش حاسم يعني للأسف نظريا وبالعقل احنا فرصتنا أصعب من أوغندا علشان مدرب فاشل بيلعب بطريقة "عارفين اللي هيهاجم هفشــ..ـه" ولاعيبة على قلبها مراوح ومش حاسة بالجمهور والناس اللي مستنية تفرح فبدل ما يكسبوا أوغندا هناك أو حتى يتعادلوا خسروا، وبدل ما يلعبوا هنا مباراة حياة أو موت ويكسبوا باسكور علشان يأمنوا نفسهم في حالة تساوي الأهداف بيكسبوا 1/0 وبيتنططوا علي بعض بعد الماتش كأنهم خدوا كاس العالم".

واستدرك: "اللي بنقوله ده مش معناه إننا خرجنا لكن معناه إن اللاعيبة لازم تبقي رجالة في اللي جاي وينسوا الماتشين الزبالة اللي لعبوهم دول، والمدير الفني - معلش يعني اني بقول عليه مدير فني - يبطل جبن ويسترجل".

تقييم الموضوع:

استطلاع رأي

هل تتوقع استمرار شريف إسماعيل في رئاسة الوزراء بعد عودته من المانيا؟

  • فجر

    05:08 ص
  • فجر

    05:08

  • شروق

    06:35

  • ظهر

    11:47

  • عصر

    14:39

  • مغرب

    16:58

  • عشاء

    18:28

من الى