• الأربعاء 13 ديسمبر 2017
  • بتوقيت مصر03:01 م
بحث متقدم

أبو عرايس يفجر مفاجأة عن فندق الماسة بالعاصمة الإدارية

آخر الأخبار

صور للفندق
صور للفندق

أحمد عادل شعبان

أخبار متعلقة

فندق الماسة

العاصمة الإدارية الجديدة

كشف سامح أبو عرايس - الخبير الاقتصادي - مفاجأة كبيرة عن الصور المتداولة لفندق الماسة بالعاصمة الإدارية الجديدة .

وقال "أبو عرايس" في تدوينة عبر حسابه بـ"فيس بوك" : "قبل ما الناس تبدأ تولول من بكرة على فندق الماسة في العاصمة الإدارية الجديدة وازاي إنه اتكلف فلوس كتير واترمت على الأرض وكلام من ده أحب أقول وجهة نظري من ناحية استثمارية بحتة .. لما تحب تطور منطقة جديدة وتروج لها وتجذب مستثمرين لازم تعمل فيها مشروع أو مشروعين من النوع ده يعمل ضجة والناس تتكلم عنه ويبقى دليل على التزام الدولة بتنمية المنطقة .. وده لوحده يرفع قيمة المنطقة وتقدر تبيع فيها أراضي وشقق بعشرات أضعاف التكلفة اللي تكلفتها في المشروع .. يعني مثلا العاصمة الادارية الجديدة كتير كانوا بيشككوا فيها ويقولوا إنها فنكوش وكلام من ده .. فالدولة لما تعمل فيها مشروع زي ده وتعمل فيه احتفالية تروج له وتكلف المشروع ده مائة مليون مثلا ترفع قيمة الأراضي اللي حوله عشرات الأضعاف .. وتتحول الصحراء اللي حوله إلى قيمة .. وتقدر تبيعها لشركات وأفراد بعشرات المليارات" .

وأضاف: "يعني تبقى دفعت مائة مليون مثلا وجمعت مقابلها عشرين أو ثلاثين مليار .. يعني الدولة تطلع كسبانة .. وأحيانا بيحصل ده من خلال القطاع الخاص يعني مثلا تعطي مستثمر يعمل مول كبير أو مشروع عقاري كبير في منطقة بعيدة وممكن تعطيه الأرض بسعر رخيص .. زي مدينتي أو كارفور مثلا .. ومقابل كده المستثمر ده لما يعمل المول أو الكومباوند ده يحيي المنطقة ويعمل إقبال على الأرض حولها وتبيع الدولة الأراضي لأفراد ومستثمرين بمبالغ ضخمة .. علشان كده مشروع الماسة ده مش غلط خالص .. بالعكس أصول الاستثمار العقاري بتقول كده .. ده مشروع هيعمل دعاية للمنطقة ويرفع قيمة الأراضي ويؤكد جدية الدولة في تنمية المنطقة .. وغالبا هيظهر أثر ده لما تطرح الدولة أراضي وشقق في العاصمة الجديدة .. أتمنى أكون وضحت الموضوع ببساطة .. وده رأي استثماري بحت لا علاقة له بالسياسة" .

تقييم الموضوع:

استطلاع رأي

لمن ستعطى صوتك فى الانتخابات الرئاسية المقبلة؟

  • مغرب

    04:58 م
  • فجر

    05:21

  • شروق

    06:50

  • ظهر

    11:54

  • عصر

    14:40

  • مغرب

    16:58

  • عشاء

    18:28

من الى